Şu gün Russiýa Federasiýasynyň Prezidenti Wladimir Putiniň Azerbaýjana döwlet sapary başlanýar. Kreml köşgüniň habar bermegine görä, bu sapar 18-19-njy awgust aralygynda bolar.
– Bakuda geçiriljek ýokary derejedäki gepleşiklerde rus-azerbaýjan hyzmatdaşlyk gatnaşyklary, şeýle hem halkara we sebit gün tertibiniň möhüm meseleleri ara alnyp maslahatlaşylar – diýlip, metbugat beýanatynda bellenilip geçilýär.
Saparyň jemleri boýunça iki ýurduň döwlet Baştutanlarynyň bilelikdäki beýanatynyň kabul edilmegine, şeýle hem hökümetara we beýleki resminamalara gol çekilmegine garaşylýar.