Türkmenistanyň daşary işler ministri Raşid Meredow bilen Türkiýe Respublikasynyň daşary işler ministri Hakan Fidan arasynda telefon arkaly söhbetdeşlik boldy.
Söhbetdeşligiň dowamynda taraplar türkmen-türk gatnaşyklarynyň häzirki ýagdaýyny we ösüşiniň geljegini ara alyp maslahatlaşdylar, syýasy dialogyň ýokary derejesini we iki doganlyk döwletiň arasyndaky strategik hyzmatdaşlygy has-da pugtalandyrmaga bolan çemeleşmäni belläp geçdiler.
Türkmenistanyň we Türkiýäniň halkara hem-de sebit guramalarynyň, ilkinji nobatda BMG-niň we Türki Döwletleriniň Guramasynyň (TDG) çäklerindäki hyzmatdaşlygynyň oňyn tejribesi nygtaldy.
Söhbetdeşler şu ýylyň 12-nji dekabrynda Aşgabat şäherinde geçiriljek Halkara parahatçylyk we ynanyşmak forumyna taýýarlyk meseleleri boýunça hem pikir alyşdylar.