Türkmenistanyň Prezidenti Hytaý Halk Respublikasynyň Başlygy Si Szinpine doglan güni mynasybetli mynasybetli tüýs ýürekden gutlaglaryny we iň gowy arzuwlaryny iberdi. Bu barada “Watan” habarlar gepleşiginde bellenilip geçilýär.
– Siziň parasatly ýolbaşçylygyňyzda Hytaý Halk Respublikasy durmuş-ykdysady ösüşinde, halkara abraýyny berkitmekde we halkyň hal-ýagdaýyny gowulandyrmakda uly üstünlikler gazandy – diýlip, döwlet Baştutanymyzyň Gutlag hatynda bellenilýär.
Hormatly Prezidentimiz Hytaý Halk Respublikasy bilen dostlukly gatnaşyklara ýokary baha berýändigini hem-de däp bolşy ýaly, deňhukuklylyk, özara hormak hem-de birek-biregiň bähbitlerini nazara almak ýörelgelerine esaslanýan ikitaraplaýyn strategik hem-de giň gerimli hyzmatdaşlygy mundan beýläk-de ösdürmäge uly ähmiýet berýändigini belläp, bileleikdäki tagallalaryň netijesinde türkmen-hytaý döwletara gatnaşyklarynyň we strategik hyzmatdaşlygynyň mundan beýläk-de yzygiderli pugtalandyryljakdygyna, iki ýurduň halklarynyň bähbidine täze mazmun bilen baýlaşdyryljakdygyna berk ynam bildirdi.
Hormatly Prezidentimiz mümkinçilikden peýdalanyp, HHR-iň Başlygy Si Szinpine berk jan saglyk, bagtyýarlyk we jogapkärli döwlet işinde uly üstünlikleri, Hytaýyň dostlukly halkyn bolsa, parahatçylyk, abadanylyk hem-de gülläp ösüş arzuw etdi.