Türkmenistanyň medeniýet ministri Atageldi Şamyradow Türkiýäniň Erzurum şäherinde Ykdysady hyzmatdaşlyk guramasynyň (YHG) 6-njy syýahatçylyk baradaky ministrleriň maslahatynda birnäçe ikitaraplaýyn duşuşyklary geçirdi.
“ECOTourism Capital 2025” çäreleriniň çäklerinde Türkmenistanyň medeniýet ministri YHG-niň Baş sekretary Asad Majid Han bilen duşuşdy. YHG-niň baş sekretary özüniň Twitter ulgamyndaky sahypasynda bu duşuşyk barada belläp geçdi.
Mundan başga-da, Türkmenistanyň wekiliýeti Eýranyň Medeni miras, syýahatçylyk we senetçilik ministri Seýed Reza Salehi Amiri bilen duşuşdy.
ISNA neşiriniň maglumatlaryna görä, eýranly ministr Tähranyň Aşgabat bilen syýahatçylyk we medeniýet gatnaşyklaryny has-da ösdürmäge uly gyzyklanma bildirýändigini belläp, sebitleýin medeni hyzmatdaşlygy pugtalandyrmak üçin strategik ýol kartasyny işläp düzmegiň ähmiýetini belledi.