DÜNÝÄ

Türkmenistan-Hindistan: atçylyk pudagyndaky hyzmatdaşlygy maslahatlaşyldy

2026-njy ýylyň 19-njy fewralynda Türkmenistanyň Hindistan Respublikasyndaky ilçisi Ş.Geldinazarowyň we Hindistanyň ýerli atlar jemgyýetiniň Ösüş we sport boýunça wise-prezidenti Sarpartap Singiň arasynda duşuşyk geçirildi.

Duşuşygyň dowamynda taraplar atçylyk pudagynda ikitaraplaýyn hyzmatdaşlygyň mümkinçiliklerini ara alyp maslahatlaşdylar.

Ilçi Türkmenistanda Ahalteke tohum atlaryny ösdürip ýetişdirmek ugrynda döwlet derejesinde alnyp barylýan işler barada gürrüň berdi. 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» diýlip atlandyrylandygyny belläp, bu şygaryň astynda ýurdumyzda möhüm ähmiýetli çäreleriň, şol sanda her ýylyň aprel aýynda Türkmen bedewiniň milli baýramynyň giňden bellenip geçilýändigini aýtdy.

Sarpartap Singh Hindistanyň ýerli atlar jemgyýetiniň alyp barýan işi bilen tanyşdyryp, atçylyk pudagynda hyzmatdaşlygy ýola goýmakda uly mümkinçilikleriň bardygyny belledi.

Related posts

Türkmenistanyň Prezidenti KHDR-iň Baştutanyny gutlady

Türkiýe Türkmenistan bilen bilelikde Transhazar geçelgesiniň ösdürilmegini çagyrdy

Rigada türkmen-latwiýa syýasy geňeşmeleri geçirildi