Türkmenistanyň medeniýet ministri Atageldi Şamyradow işde goýberen düýpli kemçilikleri üçin eýeleýän wezipesinden boşadyldy. Bu barada “Watan” habarlar gepleşiginde habar berildi.
Bellenilişi ýaly, şu gün Türkmenistanyň Prezidenti Serdar Berdimuhamedow Ministrler Kabinetiniň giňişleýin mejlisini geçirdi. Onda şu ýylyň 6 aýynda alnyp barylýan işlere seredildi we guramaçylyk meselelerin garaldy.
Şoňa laýyklykda, medeniýet ministri Atageldi Şamyradow wezipesinden boşadyldy. Bu wezipä 6 aý synag möhlet bilen Gurbanmyrat Myradalyýew bellendi.