Özbegistan Respublikasynyň Ulag ministrliginiň habaryna görä, Özbegistan bilen Türkmenistan arasynda halkara awtomobil gatnamalarynda ýygnalan ýygymlar we tölegler boýunça türkmen-özbek hünärmenler toparynyň nobatdaky mejlisi geçirildi.
Sanly ulgam arkaly geçirilen mejlisde taraplar aşakdaky meseleleri ara alyp maslahatlaşdylar:
- Halkara ýük daşamalarda Özbegistanda we Türkmenistanda ýük daşaýjylardan ýygnalýan ýygymlary we tölegleri optimizirlemek.
- Özbegistanyň we Türkmenistanyň çäginden halkara ýük daşamagyna gatnaşyjylara wiza almak amallaryny ýönekeýleşdirmek üçin hökümetara şertnamanyň taslamasyna gol çekilmegini çaltlaşdyrmak.
Şeýle hem türkmen tarapy özbek tarapynyň “E-permit” ulgamyna geçmek babatdaky tejribesine gyzyklanma bildirdi.