Türkmenistanyň Hökümeti Türkiýe döwletine goşmaça kömekler iberer. Bu barada şu gün geçirilen Miistrler Kabinetiniň giňişleýin mejlisinde bellenilip geçildi.
Gurbanguly Berdimuhamedow adyndaky howandarlyga mätäç çagalara hemaýat bermek boýunça haýyr-sahawat gaznasynyň adyndan Türkiýe Respublikasynyň çagalaryna ynsanperwer kömegini bermek maksady Türkmenistanyň Prezidenti Buýruga gol çekdi.
Resminama laýyklykda, Saglygy goraýyş we derman senagaty ministrligine, Dokma senagaty ministrligine, Senagatçylar we telekeçiler birleşmesine we Türkmenistanyň Gyzyl ýarymaý milli jemgyýetine degişli derman we saglygy goraýyş maksatly serişdeleri, harytlary hem-de azyk önümlerini ynsanperwer kömek hökmünde Türkiýe Respublikasyna muzdsuz bermek tabşyryldy.
Türkmenistanyň Prezidenti Ministrler Kabinetiniň mejlisinde eden çykyşynda doganlyk Türkiýe Respublikasyna zerur bolan kömegi bermegi dowam etdirjekdiklerini mälim etdi.
Ozal hem habar berşimiz ýaly, Türkmenistanyň Hökümeti Türkiýe Respublikasynda bolup geçen güýçli ýertitreme zerarly ynsanperwer kömegini iberipdi.