Türki Döwletleri Guramasynyň demir ýol administrasiýalarynyň ýolbaşçylarynyň 2-nji ýygnagy 2023-nji ýylyň 14-nji sentýabrynda Türki Döwletleri Guramasynyň baş sekretarynyň orunbasary Mirwohid Azimowyň ýolbaşçylygynda Stambulda geçirildi. Oňa “Türkmendemirýollary” agentliginiň başlygy Azat Atamyradowyň ýolbaşýylygyndaky wekiliýet gatnaşdy.
Guramanyň resmi saýtynda berlen habara görä, taraplar guramanyň sebitinde alternatiw, tygşytly we öz wagtynda halkara demir ýol geçelgelerini döretmegiň mümkinçilikleri barada pikir alyşdylar we ýük daşamagyň mukdaryny ýokarlandyrmak boýunça bilelikdäki tagallalaryny dowam etdirmek barada ylalaşdylar.
Taraplar multimodal ulag geçelgeleriň kanuny esaslaryny gowulandyrmak, döwlet-hususy hyzmatdaşlygy ösdürmek we bu geçelgelerde yzygiderli otly gatnawlaryny ýola goýmak barada pikir alyşdylar.
Şeýle hem taraplar Türki Döwletleriň Guramasynyň guramagynda geçirilen multimodal ulag we logistika forumynyň netijelerine ýokayr baha berildi.
Duşuşykdan soň taraplar Demirýol administrasiýalarynyň ýolbaşçylarynyň 2-nji mejlisiniň teswirnamasyna gol çekdiler we Demirýol Iş toparynyň düzgünnamasyny kabul etdiler.