Bu mukaddes topragynda keramatyň tagty ýatyr,
Rowaçlanan geljeginde nesilleriň bagty ýatyr.
Öwrüm-öwrüm ýollaryndan bäş doganlar bile öter
Mesgen tutan Türkmen ilim-giň jahana agzybirlik nyşany,
Türkmenistan-parahatçylygyň we ynanyşmagyň Watany.
***
Arkadagyň paýhasyndan ilime şamçyrag geldi,
Arkadagyň sarpasyndan geljegmize çyrag geldi.
Eziz Watan-Arkadag bilen arşyň ýollarna galdy,
Gözel ýurdum-Ýüpek ýollaryndan geçen merdanalaryň mekany!
Türkmenistan-parahatçylygyň we ynanyşmagyň Watany.
***
Mertlerimiziň şöhradyndan arşa geldi şanymyz,
Pederler siňen taryhyndan joşa geldi şadymyz.
Oguzdan gaýdan belentdir, Türkmen diýen adymyz,
Taryhymyz sowgat berdi soňlanmajak bakylygyň heňňamy.
Türkmenistan-parahatçylygyň we ynanyşmagyň Watany.
***
Mirasymyz, sungatymyz-bossanlygyň mekany,
Medeniýetli ojagymyz ýurduň şöhraty-şany.
Dessan ýaýýan wasplarymyzyň dünýä içre ýaýrany,
Ösüşlere dowamatly-dowamatdyr, ajap ýurduň döwrany
Türkmenistan-parahatçylygyň we ynanyşmagyň Watany.
***
Belent parlan baýdagymda asudalyk nyşany bar!
Pyragynyň dogan ýola joşup-joşup aýdany bar.
Bagtyň ýolundan getiren Arkadaga alkyşym bar,
Arşa uzan Garaşsyzlyk, Bitaraplyk-halkyň goşa ganaty!
Türkmenistan-parahatçylygyň we ynanyşmagyň Watany.
Amansoltan Sytdyhowa,
Magtymguly adyndaky
Türkmen Döwlet uniwersitetiniñ talyby.