DÜNÝÄ

Türkmenistan Mongoliýa ilçi belledi

Türkmenistan Mongoliýa ilçi belledi. Bu barada Türkmenistanyň Prezidenti degişli Permana gol çekdi. Resminama laýyklykda, Türkmenistanyň Hytaý Halk Respublikasyndaky (Pekin şäheri) Adatdan daşary we Doly ygtyýarly ilçisi Parahat Durdyýew, şol bir wagtda, Türkmenistanyň Mongoliýadaky Adatdan daşary we Doly ygtyýarly ilçisi wezipesine bellendi.

Türkmenistan bilen Mongoliýanyň arasyndaky gatnaşyklar Mongoliýanyň Prezidenti Uhnaagiýn Hurelsuhyň geçen ýyl Türkmenistana amala aşyran ilkinji döwlet sapary bilen täze döwre gadam basdy.

Aşgabatda geçirilen taryhy duşuşygyň çäklerinde  ulag ulgamy bilen bir hatarda oba hojalygy, syýahatylyk, medeniýet we beýleki ugurlarda hyzmatdaşlygy ösdürmäge gönükdirilen birnäçe möhüm resminamalara gol çekilipdi.

Related posts

“Awaza – dostluk mekany” atly halkara tans we folklor festiwaly geçiriler

Ärdogana döwlet ordeni gowşuryldy

Türkmenistanyň wekiliýeti «Köppolýarlylyk döwri: ugurlaryň köplügi, bir geljek» atly Dubrownik forumyna gatnaşdy