2026-njy ýylyň 4-nji fewralynda Abu-Dabi şäherinde Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow bilen Birleşen Arap Emirlikleriniň wise-prezidenti, Premýer-ministriň orunbasary hem-de Prezident işleriniň ministri Şeýh Mansur bin Zaýed Al Nahaýýan arasynda duşuşyk geçirildi.
Duşuşygyň dowamynda syýasy-diplomatik hem-de söwda-ykdysady ugurlarda ikitaraplaýyn hyzmatdaşlygyň häzirki ýagdaýy we ony ösdürmegiň geljekki mümkinçilikleri ara alnyp maslahatlaşyldy.
Taraplar bilelikdäki iri möçberli taslamalaryň, hususan-da energetika we ulag-logistika ulgamlaryndaky taslamalaryň durmuşa geçirilmegini işjeňleşdirmek meselelerine aýratyn üns berdiler.
Şu nukdaýnazardan Türkmenistanyň we BAE-niň arasynda ykdysady hyzmatdaşlyk Maksatnamasyny taýýarlamagyň maksadalaýykdygy nygtaldy.
Mundan başga-da, taraplar sebit we halkara gün tertibiniň birnäçe meseleleri boýunça pikir alyşdylar.