Türkmen paýtagtynda geçirilen owgan harytlarynyň sergisiniň we türkmen-owgan işewürler maslahatynyň çäklerinde türkmen we owgan telekeçi zenanlarynyň arasynda duşuşyk geçirildi.
Owganystanyň Zenanlar Söwda-senagat edarasynyň müdiriýetiniň müdiri hanym Fereba Naseeriniň ýolbaşçylygyndaky wekiliýet bilen ürkmenistanyň haly, çeperçilik, el işleri, dokma senagaty ugrunda işleýän zenan telekeçileriniň arasyndaky duşuşykda iki ýurduň zenan telekeçileriniň alyp barýan ugurlary boýunça özara söhbetdeşlige we tejribe alyşmaga mümkinçilik döredildi.