Russiýa Federasiýasynda 2021-nji ýyldaky sergi möwsümi dokma we ýeňil senagatynyň önümleriniň 55-nji «Tekstillegprom» lomaý söwda-sergi ýarmarkasy bilen açyldy.
Onuň işine Russiýanyň 28 oblastyndan we dünýäniň 17 döwletinden 300-den gowrak önüm öndüriji gatnaşdy. Wekilçilik eden döwletleriň hatarynda biziň ýurdumyzdan başga-da, Ermenistan, Belarus, Germaniýa, Hindistan, Italiýa, Gazagystan, Hytaý, Gyrgyzystan, Pakistan, Polşa, Täjigistan, Türkmenistan, Türkiýe, Özbegistan, Ukraina Koreýa Respublikasy we Ýaponiýa bar.
Adyndan hem belli bolşy ýaly, sergide dokma we ýeňil senagatynyň önümleri: çig mal, ýüplük, matalar, deri, esbaplar, dokma we ýeňil senagaty üçin enjamlardyr serişdeler, tehniki dokma önümleri we beýlekiler bar. Önümler iri pawilýonlaryň ikisinde görkezildi.
«Profashion.ru» saýty söwda-sergisiniň çäginde Türkmenistanda öndürilen dokma önümlerine hem uly islegiň bildirilendigini ýazýar. Dört günläp dowam eden sergä 15 müň 500-den gowrak adam baryp gördi.
Hadi Süleýmanpur: Türkmenistanyň başlyklygynda YHG-niň işi has-da ilerlär