Türkiýe Respublikasy 2024-nji ýylda 60 million syýahatçy kabul edip, syýahatçylyk pudagyndan 60 milliard dollar girdeji gazanmagy meýilleşdirýär. Bu barada ýurduň Prezidenti Rejep Taýyp Ärdogan Antalýada eden çykyşynda habar berdi.
– Syýahatçylykdaky maksadymyz 2024-nji ýylda 60 million syýahatçy we 60 milliard dollar girdeji gazanmakdan ybarat – diýip, Ärdogan belledi.
Mundan ozal, ýurduň syýahatçylyk ministri Mehmet Ersoý hem şuňa meňzeş meýilnamalary barada aýdyp geçipdi.
2023-nji ýylda Türkiýe Respublikasy 56,7 million syýahatçy kabul edip, 54,3 milliard dollar girdeji gazandy. Bu ugurdaky görkezijiler 2022-nji bilen deňeşdirilende, degişlilikde 12 göterim we 16,9 göterim köpdür.