Awtomobil önümçiligi bilen indi onlarça ýyldan bäri Ýer ýüzünde uly meşhurlykdan peýdalanýan “Toyota” awtokonserni 30 trilýon ienlik (272 milliard dollar) söwda bilen Ýaponiýanyň kompaniýalarynyň arasynda rekordy täzeledi. Hasabat döwri 2018-nji ýylyň 31-nji martyndan 2019-njy ýylyň şol gününe çenli aralygy öz içine alýar.
Maglumatlara görä, “Toyotanyň” satuwdaky ösüşi 2017-nji ýylyň degişli döwri bilen deňeşdirilende, 2,9 göterim ösüş gazandy. Yzda galan bir ýylyň içinde kompaniýa dünýä boýunça jemi 10,6 million awtoulag satdy. Satylan ulaglaryň möçberi 2017-nji ýyldakydan 1,6 göterim kän.