«Awaza» Milli syýahatçylyk zolagynda «Tatar gyzy – 2026» atly halkara bäsleşiginiň finalçylaryny sylaglamak dabarasy geçirildi.
Dabarada «Tatar gyzy – 2026» bäsleşiginiň baş ýeňijisi, Özbegistandan Amina Mahmudowa Türkmenistanyň Prezidenti Serdar Berdimuhamedowyň adyndan awtoulag bilen sylaglandy. Sylagy Türkmenistanyň Mejlisiniň Başlygy Dünýägözel Gulmanowa gowşurdy.
Sylaglamak dabarasy Garaşsyz Döwletleriň Arkalaşygyna agza döwletleriň Baştutanlarynyň Geňeşiniň mejlisiniň çäklerinde Türkmenistanyň Prezidentiniň adyndan guralan resmi kabul edişligiň dowamynda geçirildi.
Çärä Russiýa Federasiýasynyň, Gazagystanyň, Azerbaýjanyň, Ermenistanyň, Belarusyň, Gyrgyzystanyň, Täjigistanyň we Özbegistanyň döwlet Baştutanlary gatnaşdylar.
Amina Mahmudowa Batyr Zakirow adyndaky Daşkent Milli estrada sungaty institutynyň talyby bolup, aýdymçy hünärini özleşdirýär. Şeýle hem ol wokal mugallymy bolup işleýär.