Russiýanyň futbol boýunça milli ýygyndysyna halkara ýaryşlara gatnaşmak mümkinçiligi döredildi. Bu ýurduň ýygyndysy iýun aýynda Merkezi Aziýanyň Futbol assosiasiýasynyň (CAFA) çempionatyna gatnaşar. Bu barada Täjigistanyň Futbol Federasiýasy habar berýär.
– Russiýanyň ýygyndysy CAFA-nyň birinji çempionatyna gatnaşar – diýlip metbugat beýannamasynda bellenilýär. Bu ýaryşa assosiasiýa agza ýurtlaryň milli ýygyndylary – Täjigistanyň, Eýranyň, Özbegistanyň, Gyrgyz Respublikasynyň, Türkmenistanyň we Owganystanyň milli ýygyndylary gatnaşýar.
Russiýanyň ýygynydysy bu ýaryşa gatnaşmak baradaky teklibi makullady. Şeýle hem guramaçylar bu ýaryşa Aziýanyň ýene-de bir ýurduny çagyrmagy meýilleşdirýär. Onuň hem Tailand bolmagy mümkin. Sebäbi Tailandyň ýygyndysy oňa gatnaşmaga gyzyklanma bildirdi.
8 ýygynda 2 toparça bölüner we her ýygyndy öz toparçasynda azyndan 3 duşuşyk geçirer. Her toparçada birinji bolan ýygyndylar final duşuşygyna gatnaşar. Toparça ikinji orny eýelän ýygyndylar bolsa, 3-nji ýer üçin bäsleşer. Bu çempionat 9-21-nji iýun aralygynda Bişkek we Daşkent şäherlerine geçiriler.
Merkezi Aziýanyň Futbol assosiasiýasynyň (CAFA) 2014-nji ýylda döredildi. Şol bir wagtda Aziýanyň futbol konfederasiýasynyň 5 sebit assosiasiýasynyň biridir.