Russiýa Federasiýasy Türkiýe Respublikasyndaky koronawirus ýokanjy bilen baglanyşykly emele gelen çylşyrymly ýagdaý sebäpli uçar gatnawlaryny çäklendirdi. Bu barada Russiýanyň hökümet başlygynyň orunbasary Tatiana Golikowa mälim etdi. Çäklendirme 15-nji aprel-1-nji iýun aralygyny öz içine alýar.
Russiýanyň wise-premýeriniň aýtmagyna görä, hepdede 2 gezek amala aşyrylýan Stambul gatnawlary ýaly käbir gatnawlar dowam eder. Russiýanyň hökümet başlygynyň orunbasary Tatiana Golikowa wideoaragatnaşyk arkaly amala aşyran metbugat ýygnagynda Russiýa bilen Türkiýäniň arasyndaky uçar gatnawlary barada durup geçdi. Täze görnüşli koronawirus pandemiýasyna garşy öňüni alyş çäreleriniň geçiriljekdigini aýdyp, Russiýa bilen Türkiýäniň arasyndaky adaty we çarter gatnawlarynyň 15-nji aprel-1-nji iýun aralygynda çäklendiriljekdigini belledi.
Bu ýagdaýy ýakyndan yzarlajakdyklaryny mälim eden Golikowa, pandemiýa bilen baglanyşykly wakalarda oňyn öňe gidişlikler amala aşan halatynda uçuşlaryň kadaly ýagdaýa geljekdigini aýtdy.