Şu gün Özbegistanyň Samarkant şäherinde GDA agza ýurtlaryň daşary işler ministrleriniň hem-de “Merkezi Aziýa-Russiýa” formatynda daşary işler ministrleriniň duşuşygy geçirildi. Bu duşuşyklara Türkmenistanyň daşary işler ministriniň orunbasary Wepa Hajiýewiň ýolbaşçylygyndaky wekiliýet gatnaşdy.
“Merkezi Aziýa-Russiýa” formatynda daşary işler ministrleriniň 6-njy duşuşygynda sebitiň durnukly ösüşi üpjün etmegä degişli meseleler ara alnyp maslahatlaşyldy.
Şeýle hem halkara gün tertibiniň meseleleri bilen bir hatarda sebit howpsuzlygy we durnuklylygyna degişli meseleler boýunça pikir alşyldy.