Saud Arabystanynyň “Al-Nasr” toparynyň düzümine goşulmak bilen köp sanly ýewropaly futbolçylaryň hem arap ýurduna gelmegine ylham döreden Kristiano Ronaldo täze toparyndaky ilkinji kubogyny gazandy.
Saud Arabystanynyň “Al-Nasr” topary Arap çempionlar kubogynyň finalynda “Al-Hilal” topary bilen duşuşdy. Duşuşyk 2:1 hasabynda “Al-Nasr” toparynyň peýdasyna tamamlandy. Ronaldo toparynyň 2 goluny hem öz adynan ýazdyrdy.
Şeýlelikde, portugal futbolçy özüniň ilkinji kubogyny gazandy. Ol bu barada eden çykyşynda şeýle diýdi:
– Men toparyma ilkinji kubogyny gazandyrmaga goşan goşandyma buýsanýaryn. Topardakylaryň ählisine, maşgalama we dost-ýarlaryma şeýle uly üstünlige ýetmeginde beren goldawy üçin minnetdarlyk bildirýärin.
Şu ýyl hem düzümini Milinkowiç-Sawiç, Newes, Malkom we Koulibali ýaly güýçli futbolçylar bilen güýçlendiren “Al-Hilal” topary ozal 2 gezek gazanan bu kubogynyň 3-nji gezek finalynda ýeňildi.