Türkmenistan özüniň baş baýramy – mukaddes Garaşsyzlygynyň 29 ýyllygyny giňden belleýär. Şu günler hormatly Prezidentimize dünýäniň dürli ýurtlarynyň ýolbaşçylalaryndan gutlag hatlary gelip gowuşýar. Türkiýe Respublikasynyň Prezidenti Rejep Täýyp Ärdogan öz gutlagynda şu ýylyň aprel aýynda Türkmenistana meýilleşdirilen sapary ýakyn geljekde amala aşyryp boljakdygyna umyt edýändigini belläp geçipdir.
Şeýle hem Türkiýäniň Prezidentiniň gutlagy şeýle beýän edilipdir:
Türk halkynyň adyndan hem-de hut öz adymdan Siziň Alyhezretiňizi we doganlyk türkmen halkyny Türkmenistanyň Garaşsyzlygynyň 29 ýyllygy bilen tüýs ýürekden gutlaýaryn.
Garaşsyzlyga eýe bolan ilkinji günlerinden bäri depginli ösüşlere we jemgyýetiň abadançylygyna gönükdirilen taslamalary amala aşyrýan Türkmenistan Siziň Alyhezretiňiziň baştutanlygynda tutuş sebitiň gülläp ösüşine hem-de durnuklylygyna goşant goşýan uly mümkinçilikleriň merkezine öwrüldi.
Diliň, medeniýetiň, taryhyň we ruhy gymmatlyklaryň umumylygy bilen baglanyşýan biziň dostluk hem-de doganlyk gatnaşyklarymyzyň ikitaraplaýyn esasda bolşy ýaly, sebit we halkara derejesinde hem mundan beýläk-de ösdüriljekdigine ynanýaryn.
Şu ýylyň aprel aýynda Türkmenistana meýilleşdirilen sapary ýakyn geljekde amala aşyryp boljakdygyna umyt edýärin.
Siziň Alyhezretiňize, gadyrly doganyma berk jan saglyk, bagt we üstünlik, doganlyk türkmen halkyna bolsa abadançylyk hem-de rowaçlyk arzuw edýärin.
Türkçe okumak için
Recep Tayyip Erdoğan: Türkmenistan ziyaretim mümkün
Bulary hem okaň
Türkmenistan Garaşsyzlyk toýuny toýlaýar
Hormatly Prezidentimize ahalteke bedewi sowgat edildi
Garaşsyzlyk baýramy: Dabaraly harby ýöriş geçirildi
Türkmenistan’da Bağımsızlık Bayramı coşkusu
Şäherara awtobus gatnawlary haçan başlaýar?
Kanuny kim kabul edýär: Halk Maslahatymy ýa-da
