Ispaniýanyň Kubogynyň 2025/2026-njy ýyl möwsüminiň final duşuşygy tamamlandy. Onda Madridiň «Atletiko» we «Real Sosýedad» toparlary özara güýç synanyşdylar. Oýun Sewilýadaky (Ispaniýa) «Olimpiko de Sewilýa — La Kartuha» stadionynda geçirildi. Duşuşygyň baş emini Hawýer Alberola Rohas (Sýudad-Real, Ispaniýa) boldy.
Oýunda 2:2 (penaltiler boýunça 4:3) hasaby bilen «Real Sosýedad» toparynyň futbolçylary ýeňiş gazandylar.
Oýnuň gidişi:
-
15-nji sekunt: «Real Sosýedadyň» hüjümçisi Ander Barreneçea hasaby açdy.
-
19-njy minut: «Atletikonyň» ýarym goragçysy Ademola Lukman hasaby deňledi.
-
45+1-nji minut: Mikel Oýarsabal penaltini dürs urup, «Real Sosýedady» öňe saýlady.
-
83-nji minut: Madrid klubynyň hüjümçisi Hulian Alwares hasaby täzeden deňledi.
Esasy we goşmaça wagtda başga gol urulmady we hasap 2:2 bolup galdy. Oýundan soňky 11 metrlik jerime urgy (penalti) tapgyrynda bolsa «Real Sosýedadyň» oýunçylary has takyk boldular — 4:3.
Taryhy maglumatlar:
Bu ýeňiş «Real Sosýedad» üçin taryhynda dördünji kubok boldy. Geçen ýyl ýaryşyň ýeňijisi «Barselona» bolupdy. 2025-nji ýylyň 26-njy aprelinde Kataloniýanyň kluby Madridiň «Realyny» goşmaça wagtda 3:2 hasabynda ýeňipdi.