Russiýanyň Prezidenti Wladimir Putin 27-29-njy maý aralygynda Gazagystana döwlet saparyny amala aşyrar. Bu barada Gazagystanyň Prezidentiniň metbugat gullugy habar berýär.
Sapar Gazagystanyň Prezidenti Kasym-Žomart Tokaýewiň çakylygy boýunça amala aşyrylýar. Gepleşikleriň dowamynda döwlet baştutanlary Gazagystan bilen Russiýanyň arasyndaky hemmetaraplaýyn strategik hyzmatdaşlygyň we soýuzdaşlyk gatnaşyklarynyň häzirki ýagdaýyny hem-de ony berkitmegiň geljegini ara alyp maslahatlaşarlar.
Habarda bellenilişi ýaly, 28-nji maýda Ýewraziýa Ykdysady Bileleşigine agza döwletleriň baştutanlarynyň gatnaşmagynda Ýewraziýa ykdysady forumy, 29-njy maýda bolsa Ýokary Ýewraziýa ykdysady geňeşiniň mejlisi geçiriler.