Meşhur «Formula ― 1» ýaryşlarynda baýragyň täze görnüşi döredildi. Ol ýaryşyň dowamynda iň kän ozup öten sürüjä berler.
Bu baýragy «Formula ― 1» «crypto.com» saýty bilen bilelikde esaslandyryldy. Arzyly kubok her möwsümiň ahyrynda gowşurylar.
«Bu baýrak sürüjileriň ýeňiş gazanmak üçin garadangaýtmazlygyna berilýän ýokary baha bolar» diýip, «Formula ― 1»-iň beýanatynda aýdylýar.
Deslapky maglumatlara görä, häzir garşydaşlaryny ozup geçmek boýunça iň ýokary netijäni «Aston Martin» toparynyň sürüjisi Sebastýan Fettel gazanyp gelýär. Ýöne möwsüm dowam edýär. Onuň ahyryna çenli öňdebaryjy üýtgäp biler.