Özbegistanda koronawirusa garşy göreşmek boýunça respublikan ýörite komissiýanyň karary bilen ozal girizilen karantin çäklendirmeleri güýçlendirilýär we goşmaça karantin çäklendirmeleri girizilýär. Bu barada ýurduň Saňlygy goraýyş ministrliginiň metbugat gullugy habar berýär.
28-nji iýundan 12-nji iýul aralygynda Daşkende ulaglar (awtoulaglar we awtobuslar) “gyssagly zerurlyk bolmadyk halatynda” sebitlerden girmäge çäklendirmeler girizilýär.
28-nji iýundan başlap, tutuş ýurt boýunça dynç alyş desgalary (restoranlar, gijeki klublar, karaoke, bilýard we kompýuter otaglary, naharhana desgalary – kafeler, naharhanalar we çaýhanalar) 8:00-dan 20:00-a çenli işlär.
Mundan başga-da, bu dynç alyş we jemgyýetçilik iýmit ýerlerine gelýänleriň sany umumy sygymynyň 50% -inden geçmeli däldir.
Golaýda Özbegistanda koronawirus ýokanjynyň “hindi” ştammynyň hem ýüze çykandygy mälim edildi. Ýurtda köpçülikleýin sanjym işleri dowam edýär.