Oksford uniwersitetiniň alymlary 2024-nji ýylyň sözüni yglan etdiler. Bu söz 37 müňden gowrak adamyň gatnaşmagynda ses bermek arkaly saýlanyp alyndy.
Dil bilermenleri tamamlanyp barýan ýyly alamatlandyrýan 6 sözi saýlap aldylar. Şolaryň hataryndan ýylyň sözi hökmünde “brain rot” ýagny, beýniniň dargamagy sözi saýlanyp alyndy.
Bu adalganyň saýlanyp alynmagy adamyň intellektual ýagdaýy pese gaçmagy bilen alamatlandyrylýar. 2023-2024-nji ýyl aralygynda bu adalganyň ulanmagyň ýygylygy 230 göterim artdy. Bu adalga pes hilli onlaýn mazmunyň sarp edilmegi baradaky aladalary beýan etmek üçin ulanylyp başlandy.
Şeýle hem bu söz ilkinjileriň hatarynda 1854-nji ýylda çap edilen Genri Dewid Toronyň “Uolden” kitabynda ýatlanylýar. Bu kitapda awtor tebigatda sada durmuşda ýaşamak tejribesini paýlaşýar.
Sanly tehnologiýalaryň döwründe Oksford uniwersiteti bu sözüň täze many-mazmuna eýe bolandygyny belleýär.