Bu saýlawlarda ýeňiş gazanan Premýer-ministr Narendra Modi 3-nji gezek bu wezipesi üçin kasama kabul etdi. Kasam kabul ediş dabarasy Hindistanyň teleýaýlymlarynda göni ýaýlymda görkezildi.
Narendra Modini kasam kabul etmek üçin Hindistanyň Prezidenti Draupadi Murmu getirdi. Modi Hindistanda 3-nji gezek yzly-yzyna Premýer-ministr wezipesine saýlanan 2-nji syýasatçy boldy. Mundan ozal, bu görkezijä Hindistanyň birinji Premýer-ministri Jawaharlal Neru eýe bolupdy.
73 ýaşyndaky Modi bilen bir hatarda Ministrler Kabinetiniň beýleki agzalary hem kasam kabul etdi.
Bu dabara 8 müň myhman gatnaşdy. Ýokary derejeli myhmanlaryň hatarynda Hindistanyň goňşy sebitindäki ýurtlaryň ýolbaşçylary – Bangladeşiň Premýer-ministri Şeýh Hasina, Butanyň hökümet başlygy Sering Tobgeý, Mawrikiýanyň Premýer-ministri Prawind Jagnot, Maldiwleriň Prezidenti Mohamed Muizzy, Nepalyň Premýer-ministri Puşpa Kamal Dahal, Seýşel adalarynyň wise-prezidnti Ahmed Afif, Şri-Lankanyň Prezidenti Ranil Wikramasinghe gatnaşdy.