«Barselona» futbol toparynyň we Argentinanyň milli ýygyndysynyň hüjümçisi Lionel Messi alyp barýan haýyr-sahawat işleri üçin Monako Şazadasy Alber II tarapyndan «Parahatçylygyň çempiony» atly baýraga mynasyp görüldi.
«Messiniň futbol meýdanyndaky oýnuny, meýdanyň daşyndaky haýyr-sahawat işleri hemmeleriň ýüreginde ýakymly orun tutýar» diýip, oňa bu baýragy beren Şazada aýtdy.
Messiniň özi bolsa: «Aslynda, men baýraklaryň yzyndan kowup ýören adam däl. Ýöne bu baýragy alanyma diýseň begendim» diýip, Şazada hoşallyk bildirdi.
