SPORT

Medine Amanowa – dünýä çempiony

Albaniýanyň Durres şäherinde dowam edýän agyr atletika boýunça ýaşlaryň arasyndaky Dünýä çempionatynda türkmen türgenleri ýene bir altyn medal gazanmagy başardy. 59 kg agramda çykyş eden Medine Amanowa münberiň iň ýokary basgançagyna çykmagyň hötdesinden geldi.

16 ýaşly türgen gyzymyz birbada götermekde 90 kg agramy galdyryp, ekwadorly Jessika Palasiosdan hem-de albaniýaly Enkileda Karžadan öňe saýlandy.

Itekläp götermekde-de 109 kg agramy galdyran Medine Amanowa ekwadorly türgenden bu ugurda-da 2 kg köp göterdi.

Umumylykda 199 kg agramy galdyran Medine Amanowa 2-nji ýeri eýelän Palasiosdan 4 kg artyk görkeziji bilen altyn medala mynasyp boldy.

Şeýle hem bu çempionatda ozal hem türkmen türgenleri 1 altyn we 1 kümüş medal gazandylar. Ogulşat Amanowa altyn medal, Perhat Bahtiýarow kümüş medal gazanmagy başardy.

 

Türkmen ýaş türgeni altyn medal gazandy

Türkmen türgeni wise-çempion boldy

Related posts

3 ýyldan soňra dünýä çempionaty geçirilýär

Ronaldo ― 800 golly ilkinji futbolçy

Ata Watan Eserleri

Türkmenistanyň agyr atletikaçylary Kolumbiýada altyn we kümüş medallar gazandy

Leave a Comment