ABŞ-nyň Aeronawtika we kosmos giňişligini öwrenýän milli edarasy (NASA) aprel aýynda Mars planetasyna iberen “Perseverance” marsohodyna berkidilen dikuçaryny uçurmagy meýilleşdirýär. Dikuçaryň uçurylmagyndan jogapkär Haward Grip dikuçaryň 3 metr belentlige galyp, 30 sekunt howada galyp, soňra öwrüm edip, yzyna gonjakdygyny belledi.
“Ingenuity” dikuçary başga planetada uçurylan ilkinji dikuçar bolar. Marsohod hem ýuwaş-ýuwaşdan hereket edip, dikuçary surata alar. Bilermenler dikuçaryň gaçmazlygy üçin tagalla edýärler. Eger ol gaçyp, zeper ýeten halatynda, onda ony düzeltmek mümkin bolmaýar.
Mäim bolşy ýaly, şu ýylyň 19-njy fewralynda “Perseverance” marsohody Mars planetasynda Ýezero krateriniň golaýyndaky sebitine gonupdy. NASA hünärmenleri Marsda ýaşaýşyň yzlaryny tapmak ugrunda tagalla edýär. Marsahod tarapyndan alnan toprak nusglary 2026-njy ýylda başga marsohod tarapyndan Ýere getiriler.