Google: Dünýäde iň köp ulanylýan programmadyr. Kompaniýalaryň gurujylary Larry Page, Sergey Brin Standford uniwersitetiniň ilkinji ýyllarynda hem kompaniýanyň zerurlygyny bilýärdiler. Bu sebäpli hem kompaniýalaryna matematikada iň uly sanlaryň biri bolan “ Googol” adyny bermekçidiler. Emma Larry Pageiň “googol” ýerine “Google” diýip ýalňyş ýazmagy netijesinde häzirki google kompaniýasy “google” ada eýe boldy.
Rolex: Häzirki wagtda iň köp ulanylýan sagatlaryň biridir. Ilkibadalar Hans Wilsdorf täze döreden sagatlaryna ýeňil aýdylar ýaly, täsin at gözleýärdi. Tapylmaly at sagadyň ýüzünde hem owadan görünmelidi. Tapan atlary hem göwnünden turuberenokdy. Emma bir gün paýtunynda otyrka, birden “Rolex” adyny tapdy. Wilsdorf ady nähili tapanlygy barada şeýle gürrüň berýär: “ Elipbiýiň harplaryndan mümkin boldugyça her hili sözleri tapdym, emma hiçbiri isleýşimçe däldi. Londanda ir säher paýtunymda otyrkam, bir peri gelip, gulagyma “Rolex” diýip pyşyrdady”. Rolex-pyşyrdydan dörän at diýsegem ýalňyşmarys.
Zara: Zara egin-eşik markasy 1975-nji ýylda Ispaniýada gurulýar. Zara Amancio Ortego we Rosalia Mera tarapyndan döredilýär. Dünýäniň iň uly kompaniýalarynyň biridir. Amancio Ortego döwründe “Zorba” kinofilmden täsirlenip, kompaniýany adyna “ Zorba” diýip dakypdyr. Emma öz ýakynynda “Zorba” atly restoran bolany sebäpli, kompaniýanyň adyny üýtgetmeli bolupdyr. Netijede “Zorba” atdan “Zara” emele gelipdir.
Wise-premýer S.Berdimuhamedow: Türkmenistan senagat taýdan ösen ýurda öwrüldi