Şu gün Kuala-Lumpurda ilkinji gezek resmi saparda bolýan hormatly Prezidentimiz Serdar Berdimuhamedow bilen Malaýziýanyň Premýer-ministri Dato Seri Anwar Ibrahimiň arasynda ýokary derejeli gepleşikler geçirildi.
Şol gepleşikleriň jemleri boýunça geçirilen metbugat ýygnagynda Malaýziýanyň Premýer-ministri Dato Seri Anwar Ibrahim türkmen akyldayr we şahyry Magtymguly Pyragynyň eserlerini malaý diline terjime edilýändigini habar berdi. Bu barada “Bernama” habarlar gullugy habar berýär.
Ol Magtymguly Pyragynyň eserleriniň malaý diline terjime edilmegi bilen Malaýziýanyň halkynyň beýik akyldaryň döredijiligi bilen ýakyndan tanyşmak mümkinçiligine eýe boljakdygyny aýtdy.
Şeýle hem Malaýziýanyň Premýer-ministri Dato Seri Anwar Ibrahim Türkmenistanyň Prezidentini üstümizdäki ýylda ürkmen akyldayr we şahyry Magtymguly Pyragynyň doglan gününiň 300 ýyllygyny belläp geçendikleri bilen gutlady.