Ýaponiýanyň «JR Tokai» demir ýol kompaniýasy magnit bilen hereketlenýän tiz otlular üçin täze bir demir ýoluň gurluşygyna girişdi. Kompaniýa bu ýoly bölekleýin gurar.
Ýapon metbugatynda ýazylyşy ýaly, ilkinji tapgyrda Sinagawa ― Nagoýa aralygyndaky ýol gurlar. 286 kilometr uzynlygynda boljak bu ýoluň gurluşygy 2027-nji ýylda tamamlanar. 2037-nji ýyla çenli bolsa bu ýoluň uzynlygy 438 kilometre ýeter we Osaka şäherine barar.
Ýapon hökümeti täze ýoly gurmak üçin 83 milliard dollardan gowrak serişde niýetleýär.