ABŞ-nyň Fort-Loderdeýle şäherindäki “Çeýz Stedium” stadionynda KONKAKAF Çempionlar kubogynyň 1/8 finalynyň jogap duşuşygy geçirildi. Onda Lionel Messili “Inter Maýami” topary “Neşwill” toparyny 3:1 hasabynda utdy. Toparlaryň arasyndaky birinji duşuşyk 2:2 hasabynda tamamlanypdy.
Jogap duşuşygynda 8-nji minutda urugwaýly hüjümçi Luis Suares tapawutlandy. Duşuşygyň 23-nji minutynda Lionel Messi we 63-nji minutynda Robert Teýlor tapawutlanyp, “Inter Maýami” toparyny çärýek finala çykardy.
“Inter Maýami” topary KONKAKAF Çempionlar kubogynyň 1/4 finalynda “Monterreý-Sinsinati” toparlarynyň ýeňijisi bilen duşuşar.