Hytaý Halk Respublikasynyň Başlygy Si Szinpin 16–17-nji iýunda Gazagystanyň Prezidenti Kasym-Žomart Tokaýewiň çakylygy boýunça Gazagystana sapar bilen baryp görer.
Bu barada Gazagystanyň Prezidentiniň metbugat gullugy habar berdi.
Saparyň çäklerinde ýokary derejede ikitaraplaýyn duşuşyk meýilleşdirilýär, duşuşykda gazak-hytaý giň gerimli strategik hyzmatdaşlygyny mundan beýläk-de ösdürmegiň meseleleri ara alnyp maslahatlaşylar.
“Astanada 17-nji iýunda sebitdäki döwlet ýolbaşçylarynyň gatnaşmagynda ‘Merkezi Aziýa – Hytaý’ ikinji sammiti geçiriler” diýlip habarda aýdylýar.