Hindistan hökümetiniň habar bermegine görä, Hindistan “Covid-19” pandemiýasy sebäpli 18 aýlyk arakesmeden soň daşary ýurtly myhmanlar üçin syýahat wizasyny berip başlar.
Hindistanyň Içeri işler ministrliginiň metbugat beýanatyna görä, ýörite uçar gatnawy bilen gelýän syýahatçylar 15-nji oktýabrdan başlap gelip bilerler, emma beýleki syýahatçylara bolsa 15-nji noýabrdan soň rugsat berler diýilýär.
Resmi maglumatlara görä, pandemiýadan bir ýyl öň, Hindistan 2019-njy ýylda 10,6 million daşary ýurtly syýahatçyny garşy aldy. 2018-nji ýylda syýahatçylykdan gazanan girdejisi 28,6 milliard dollar boldy.
Şu ýylyň başynda Hindistan “Covid-19” pandemiýasy sebäpli örän çylşyrymly ýagdaýy başdan geçiripdi. Hindistana geljek syýahatçylara ozal doly sanjym edilmelidigi aýdylýar.