Bereket şäherindäki tikin fabriginde her gün 10 müň sany lukmançylyk örtügi öndürilýär. Ýokary hilli ol örtükler welaýatyň saglyk ulgamynyň edaralaryna, söwda nokatlaryna hem-de edara-kärhanalaryna ugradylýar.
«Türkmenistan» gazetiniň habar berşi ýaly, bu öňdebaryjy fabrikde şu ýylyň ýedi aýynda taýýarlanylan tikin önümleriniň pul hasabyndaky möçberi 9 million 961 müň manatlykdan hem gowrak boldy. Bu görkeziji göz öňünde tutulan meýilnamanyň artygy bilen berjaý edilendigini aňladýar.
Fabrikde zähmet çekýän 150-ä golaý hünärmeniň 113-si gelin-gyzlar.