Gyrgyzystan Respublikasynyň Prezidenti Sadyr Žaparowyň uçary Aşgabat Halkara howa menziline gelip gondy we dostlukly döwletiň Baştutanynyň Türkmenistana sapary başlandy.
Gyrgyzystanyň Prezidenti Aşgabatda iri halkara foruma, şeýle-de Türkmenistanyň hemişelik Bitaraplygynyň 30 ýyllygy mynasybetli geçirilýän beýleki dabaraly çärelere gatnaşar.
Prezident Sadyr Žaparowyň Aşgabada sapary däp bolan dostluk, özara düşünişmek we hormat goýmak ýörelgelerine esaslanýan gyrgyz-türkmen gatnaşyklarynyň ýokary derejesini tassyklaýar.