2023-nji ýylda Gyrgyzystan Türkmenistandan we Gazagystandan 2,6 milliard kilowat/sagat elektrik energiýasyny import etmegi meýilleşdirýär. Bu barada Gyrgyz Respublikasynyň energetika ministriniň wezipesini ýerine ýetiriji Taaýlaýbek Ibraýew Žogorku Keneşiň mejlisinde habar berdi.
Ol iki ýyldan bäri elektrik energiýasyny import edýändiklerini belledi. Şeýle hem Türkmenistanyň elektrik energiýasynyň 2 milliard kilowat/sagadyny Özbegistanyň üsti bilen almak babatda ylalaşandyklaryny belledi.
– 12-14-nji oktýabrda biz Türkmenistanda sapara bolup, 2 milliard kilowat/sagat elektrik energiýasyny satyn almak babatda ylalaşyk baglaşarys. Mundan başga-da, Gazagystandan 600 million kilowat/sagat elektrik energiýaysny satyn alarys – diýip, ministriň wezipesini ýerine ýetiriji habar berdi.