Şu ýylyň dowamynda Gyrgyzystan Respublikasy diplomatik ulgamynyň geografiyasyny ep-esli giňeldip, 13 döwlet bilen diplomatik gatnaşyklary ýola goýdy.
Daşary işler ministrliginiň maglumatlaryna görä, munuň netijesinde Gyrgyzystan Respublikasynyň diplomatik gatnaşyk saklaýan ýurtlarynyň umumy sany BMG-niň 185 agza döwletine ýetdi.
2025-nji ýylda diplomatik gatnaşyklar aşakdaky döwletler bilen ýola goýuldy:
Gwineýa-Bisau, Botswana, Burkina-Faso, Beliz, Somali, Gonduras, Eswatini, Gabon, Papua — Täze Gwineýa, Bagam Adalary, Günorta Sudan, Tanzaniýa, San-Tome we Prinsipi.
Diplomatik gatnaşyklary ýola goýmak Gyrgyzystan Respublikasynyň halkara abraýyny pugtalandyrmak, syýasy dialogy giňeltmek hem-de Afrika ýurtlary we dünýäniň beýleki sebitleri bilen hyzmatdaşlygy ösdürmek ugrunda möhüm ädim boldy.