Gyrgyz Respublikasynyň Prezidenti Sadyr Žaparow 27-29-njy iýun aralygynda Türkmenistanda we Täjigistanda resmi saparda bolar. Bu barada Gyrgyz Respublikasynyň resmi internet sahypasynda bellenilip geçilýär.
Şol habarda bellenilip geçilişi ýaly, Gyrgyz Respublikasynyň Prezidenti Sadyr Žaparow 27-28-nji iýunda Türkmenistanda saparda bolar. Saparyň çäklerinde Gyrgyz Respublikasynyň we Türkmenistanyň Prezidentiniň ikiçäk we giňeldilen düzümde gepleşikleri geçiriler.
Iki ýurduň döwlet Baştutanlary ikitaraplaýyn we köptaraplaýyn hyzmatdaşlygyň ugurlaryny, şeýle hem sebit we halkara guramalaryň çäklerindäki möhüm meseleleri ara alyp maslahatlaşarlar.
Soňra 28-29-njy iýunda Prezident Sadyr Žaparow Täjigistanda resmi saparda bolar. Bu saparyň çäklerinde hem iki ýurduň Prezidentleriniň ikitaraplaýyn gepleşikleri göz öňünde tutulýar.
Bu saparlar Gyrgyz Respublikasynyň Prezidenti Sadyr Žaparowyň Türkmenistana we Täjigistana ilkinji saparlary bolar.
“Türkmeniň döwletlilik ýörelgesi†kitaby italýan dilinde