Gazagystan Respublikasynyň Prezidenti Kasym-Žomart Tokaýew Halkara parahatçylyk we ynanyşmak ýylyna bagyşlanan halkara foruma gatnaşmak üçin Aşgabada geldi.
Aşgabadyň halkara howa menzilinde Gazagystan Respublikasynyň Prezidenti Kasym-Žomart Tokaýewiň türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen duşuşygy boldy.
– Şeýle hem foruma gatnaşmak üçin Türkmenistan tarapyndan iberilen çakylygy uly höwes bilen kabul etdim. Forumyň gün tertibi häzirki zaman şertlerinde örän uly ähmiýete eýedir. Şeýle hem onuň BMG-niň döredilmeginiň 80 ýyllygyna gabatlanan ýylda geçirilmeginiň hem uly manysy bar. Ertirki forumyň üstünliklere beslenjekdigine, şeýle hem munuň Türkmenistanyň ählumumy derejede durnuklylygy üpjün etmekden oňyn goşandy boljakdygyna pugta ynanýaryn – diýip, Kasym-Žomart Tokaýew belledi.
Şeýle hem gazak Lideri Türkmenistanyň Prezidentiniň noýabr aýynda Gazagystana amala aşyran döwlet saparynyň netijelerine ýokary baha berdi.
Türkmen halkynyň Milli Lideri öz gezeginde Gazagystanyň Prezidentine Türkmenistanda geçirilýän halkara wekilçilikli foruma gatnaşýandygy üçin minnetdarlyk bildirdi.
Türkmenistanyň Halk Maslahatynyň Başlygy Gurbanguly Berdimuhamedow ikitaraplaýyn gatnaşyklara barada aýdylanda bolsa, Türkmenistanyň Prezidentiniň Gazagystana amala aşyran döwlet saparynyň ähmiýetiniň uludygyny belledi.