Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyna gatnaşmak üçin ýokary derejeli myhmanlaryň gelmegi dowam edýär.
2025-nji ýylyň 3-nji awgustynda Gazagystan Respublikasynyň Premýer-ministriniň orunbasary Serik Žumangarin Türkmenbaşy şäherine geldi.
Hormatly myhmanyň uçary Türkmenbaşy Halkara howa menziline gondy. Gazagystanyň wekiliýetiniň bu möhüm halkara forumyna gatnaşmagy iki döwletiň arasyndaky strategik hyzmatdaşlygy has-da pugtalandyrmaga we maslahatyň gün tertibindäki meseleler boýunça netijeli çözgütleri işläp düzmäge goşant goşar.