Gazagystanyň saglygy goraýyş ministri Alekseý Soý Gazagystandahaçan örtük dakynmagy ýatyrmak baradaky sowala jogap berdi. Gazak metbugatyndaky habara görä, ol bu örän möhüm sowallaryň biridir.
– Biz ilatyň köp bölegini sanjym etmegimiz gerek. Biziň bu maksatnamamyz güýzde tamamlanar, sentýabr aýynda çneli köp möçberde raýatyň sanjym edilmegini gazanmaly. ABŞ-da, Ysraýylda örtük dakynmak zerurlygyny aradan aýyrýarlar. Olar ilatyň 60 göterimine golaýyny sanjym etdiler we ýaşaýjylarda köpçülikleýin immunitet emele geldi. Haçanda bizde hem köpçülikleiýn immunitet bolup, ilatyň 60 göterimi sanjym edilende, kem-kemden örtük dakynmagy ýatyryp bileris – diýip, ministr belläp geçdi.
Şeýle hem ol Gazagystanyň raýatlaryny sanjym bolmaga çagyryp, “Sanjym alyp, raýatlarymyza ýokary hilli sanjymy mugt berip bilmek Gazagystanyň uly üstünlikidir” diýdi. Ýurtda 2 million adamyň sanjymyň birinji dozasyny alandygy aýdyldy.