2024-nji ýylyň 17-nji dekabrynda Türkmenistanyň Söwda-senagat edarasynyň binasynda Edaranyň başlygy M.Gurdow bilen Bilelikdäki Eyran-Türkmen Söwda-senagat edarasynyň başlygy Remezan Bahraminiň arasynda duşuşyk geçirildi.
Duşuşygyň dowamynda iki ýurduň arasyndaky söwda-ykdysady gatnaşyklary pugtalandyrmak maksady bilen, bilelikde alnyp barylýan işleriň gerimi ara alnyp maslahatlaşyldy. Şeýle hem öňden gazanylan ylalaşyklara esaslanyp, 2025-nji ýylyň dowamynda Eýran Yslam Respublikasynyň Gürgen şäherinde Türkmenistanda öndürilýän harytlaryň sergisini geçirmegiň mümkinçilikleri barada pikir alşyldy.
Duşuşygyň ahyrynda oňa gatnaşyjylar birek-birege alyp barýan işlerinde uly üstünlikler arzuw etdiler we özara bähbitli söwda-ykdysady gatnaşyklaryň ösdürilmegi ugrunda zerur işleriň alnyp baryljakdygyna ynam bildirdiler.