Kamerunyň prezidentligine 40 ýyldan gowrak wagt bäri bu wezipäni eýeläp gelýän Pol Biýa ýene-de prezident saýlawlarynda ýeňiş gazandy. Biýanyň ýeňşi ýurduň Konstitusion geňeşi tarapyndan yglan edildi.
Konstitusion geňeşiň maglumatyna görä, 92 ýaşyndaky döwlet Baştutany sesleriň 53,66% -ni aldy. Kamerunyň “Milli Halas ediş fronty” partiýasynyň dalaşgäri Issa Çiroma 35,19% -ni aldy.
Kamerunda prezident ýedi ýyl möhlete saýlanýar. Şeýlelik bilen, Biýa 99 ýaşyna çenli ýurdy dolandyrmak mümkinçiligine eýe boldy.
Pol Biýa 1982-nji ýyldan bäri Kamerunyň prezidenti bolup işleýär. Ol iň uzak wagtlap döwlet baştutany wezipesinde işleýän we dünýäde iň garry prezidenti bolup durýar. Şeýle hem, ol şa zenany Ýelizaweta II-niň aradan çykmagyndan bäri dünýäde iň garry döwlet ýolbaşçysydyr.