Häzirki wagtda dünýäde “Internet” diýen sözi gündelik durmuşymyzyň möhüm bölegine öwrüldi. Adamlaryň gündelik durmuşynda ekran arkaly habarlaşmak üçin has köp wagt sarp edýändigini belläp bileris. 2021-nji ýyldaky maglumatlara görä, interneti işjeň ulanyjylaryň sany 4,89 milliard adama ýetdi. Bu bolsa geçen 12 aýyň dowamynda internet ulanylaryň sanynyň 332 million artandygyny görkezýär. Başgaça aýdanymyzda her gün 900 müň adam internet bilen tanyşýar. Şeýlelikde dünýä ilatynyň 60 göterimi üçin internet elýeterli. Global internet ulanyjylar her gün 7 sagadyny internete aýyrýar. Internet ulanyjylaryň 90 göterimden gowragy internete mobil telefonlaryň üsti bilen girýär.
Sosial ulgamy näçe adam ulanýar?
Dünýädäki sosial ulgamlary işjeň ulanyjylaryň sanawy 4,33 milliard adama deň boldy. Şeýlelik bilen, dünýä ilatynyň 55% göterimi işjeň sosial ulgamy ulanyjylarydyr. Häzirki wagtda her 10 adamdan 6-synyň internete aralaşmak mümkinçiligi bar. Soňky 12 aýyň dowamynda sosial ulgamy ulanyjylaryň sany 521 milliona çenli artypdyr. Her ýyl global intermet ulanyjylaryň sany ortaça 7 göterim artýan bolsa sosial ulgamda bu artyş 13 göterimden hem ýokarydyr. Sosial ulgam ulanyjylar her aý ortaça 6,3 sany sosial ulgamy ulanýar. Sosial ulgamy ulanyjylar her günüň 2 sagat 22 minudyny bu ulgama sarp edýärler. Olar sosial ulgama (99 göterim) mobil telefon arkaly girýärler.
Bellemeli zat, dünýäde häzirki döwürde mobil telefon ulanyjylaryň sany 5,27 milliarda barabardyr, bu bolsa soňky 12 aýyň dowamynda 97 million adamyň mobil telefonyň eýesi bolandygyny görkezýär.
Biz bolsa okyjylarymyzy umumy dünýäde näçe saýtlar döredildi, ilkinji saýt haçan döredildi we iň köp haýsy saýtlar ulanylýar diýen ýaly gyzykly maglumat bermegi makul bildik:
Ilkinji saýt haçan döredildi?
1991-nji ýylda britaniýaly fizik Tim Berners – Li Ýewropada CERN guramasynda işleýärkä, dünýäde ilkinji web-serwer, saýt we brauzer döredipdir. “World Wide Web” web saýty ilkinji gezek 1991-nji ýylyň 6-njy awgustynda ulanyşa hödürlenipdir. Ilkinji web saýtyň linki http://info.cern.ch/hypertext/WWW/TheProject.html
Ilkinji web saýtyň ekran suraty
1994-nji ýyla çenli 3000 töweregi saýt döredilip, şolardan biri hem iň ýaş “Yahoo!” saýty bolupdyr. 1998-nji ýylda bolsa “Google” saýty ulanyşa berlipdir. 2016-njy ýylda bolsa jemi saýtlaryň sany 1 milliarda ýetipdir. 2021-nji ýyla çenli dünýäde döredilen web saýtlaryň sany 1,85 milliarddan hem gowrakdyr.
Näçe web saýt hereket edýär?
Aşakdaky ekran surat 2021-nji ýylyň Aprel aýynyň 25-ne sagat 18:30-daky ýagdaýa görä, global saýtlar baradaky maglumat bolup, şu habaryň saýtymyza girilen wagtynda dünýäde jemi 1 milliard 854 million 22 müň 897 sany saýt hereket edýär we bu saýtlary 4 milliard 897 million 856 müň 737 adam ulanýar.
Siz şu habary okap bolýançaňyz dünýäde jemi 1000-e golaý saýt döredildi. Bu bolsa, dünýäde web saýtlaryň artyş tizligini görkezýär. Web saýtlaryň şeýle artýan döwründe, web saýtlaryň reýtingi düzýän birnäçe merkez bolup, olaryň iň meşhurlarynyň biri hem, “Amazon” kompaniýasyna degişli bolan “Alexa Rank” maglumatlarydyr. Häzirki wagtda dünýäde jemi 400 milliondan gowrak web saýtyň işjeň hereket edýändigini hasaba alanyňda Alexa Rank” maglumatlaryna görä, global reýtingde ilkinji 100 müňe girmek web saýtyň has işjeňligini görkezýär. Bellemeli zat, “Atavatan Türkmenistan” halkara žurnalynyň www.atavatan-turkmenistan.com saýty şeýle sanawda global reýtingde ilkinji 3 müňlige girýär. Türkmenistandan girilýän ähli saýtlaryň araynda “Google”den soňra ikinji orunda durýan Atavatan saýty, Türkmenistan baradaky habarlar ýaýradýan saýtlaryň arasynda bolsa 1-nji orunda durýar. Saýtymyz tarapyndan esaslandyrylan we Türkmen we Iňlis dilindäki ilkinji online akylly sözlük https://makulsozluk.com/ saýty bolsa bu sanawda global reýtingde ilkinji 7000-de, ýurdumyz boýunça bolsa ilkinji 6-lika girýär.
Meşhur saýtlar haçan döredildi?
- Yahoo -1994
- Amazon 1995
- E-bay -1995
- Google-1998
- Facebook-2004
Iň köp girilýän saýtlar:
“Google.com”
“YouTube.com”
“Facebook.com”
“Twitter.com”
“Instagram.com”
Iň köp meşhur saýtlar:
“Google.com” saýty
“YouTube.com”
“Facebook.com”
“Baidu.com”
“Twitter.com”
“Instagram.com”
“Wikipedia.org”
“Yahoo. com”
Umumy internet we saýtlar barada aýdanymyzda, interneti işjeň peýdalanýanlar bir sekuntda 40 müň gezek, bir günde 3.5 milliard gezek we bir ýylda 1,2 trillion gezek “Google.com” saýtynyň gözleg mümkinçiliklerinden peýdalanýarlar.
Siz habarlar saýtymyza girilen dessine Size bildiriş gelmegini isleýän bolsaňyz onda “Atavatan Türkmenistan” halkara žurnalynyň www.atavatan-turkmenistan.com saýtynyň ýakynda hyzmata giren Android ulgamynda işleýän Applikasyýasyny şu ýere basyp ýa-da aşakdaky suratyň üstine basyp öz telefonyňyza ýükläp alyň! Eger Siz bu habary kompýuteriň üsti bilen okaýan bolsaňyz, el telefonyňyzyň Google Plaý dükanyndan “Atavatan Turkmenistan” ýazyp biziň Applikasyýamyzy indirip mugt alyp bilersiňiz!
 “Google†we “Atavatan†saýty bäsleşýär: häzirlikçe “Google†öňde