ТС-1 uçar kerosini şu hepdäniň sişenbe we çarşenbe güni geçen söwdalarda iň öňdäki orunda boldy. Eger 13-nji dekabrda onuň bir tonnasynyň bahasy $810,50 bolan bolsa, 14-nji dekabrda ol 5,3 % ýokarlandy we $853,75 barabar boldy.
Sişenbe güni uçar kerosinini Birleşen Arap Emirliklerinden, Maltadan, Wirgin adalaryndan we Pakistandan gelen işewürler satyn aldylar. Şol gün geleşikleriň jemi bahasy $19,5 mln. boldy. Ertesi güni şol önümiň 6 müň tonnasyny Türkiýeden we Özbegistandan gelen telekeçiler $5,1 mln. satyn aldylar.
Şeýle hem çarşenbe güni nah ýüplük uly islege eýe boldy, onuň 264 müň kg Türkiýeden gelen işewür satyn aldy.
Içerki bazarda ýerli telekeçiler ýanan nebit koksynyň 5 müň tonnasyny 70,5 mln manada we P4-D4 plastik astlyklaryň 16 müňüsini 8,8 mln türkmen manadyna satyn aldylar.