Şu gün Beýik Britaniýada parlament saýlawlary egçirilýär. britanlylar parlamentiň täze düzümini kesgitlemek üçin ses berýärler.
Saýlaw uçastoklary irden ýerli wagt bilen 07:00-da açylyp, 22:00-da ýapylýar. Britan parlamenti 5 ýyl möhlet bilen saýlanýar. 650 orunlyk parlamentden 326 orun gazanan partiýa saýlawlarda ýeňiş gazanýar.
Garaşylyşyna görä, anna güni irden saýlawda ýeňiş gazanan partiýanyň ýolbaşçysy Bukingem köşgüne baryp, Patyşa Karl III täze hökümeti düzmäge taýýardygy barada hasabat berer.
Saýlawlaryň öňýanyndaky pikir soraşmalara görä, Rişi Sunagyň ýolbaşçylygyndaky Konserwatiw partiýasy bilen Kir Starmeriň ýolbaşçylygyndaky Leýborist partiýanyň arasynda bäsdeşlik bolar.
2010-njy ýyldan bäri, konserwatiw partiýasy ýeňiş gazanyp, ýurduň hökümetinde orun alyp gelýär.